Trajneri i Real Madridit, Carlo Ancelotti, ka folur në një konferencë për shtyp në prag të derbit kundër Atleticos. Një sfidë që vlen për kryen e tabelës, e ndezur nga polemikat për arbitrate.
"Nuk do të doja ta prekja këtë temë para një ndeshje kaq të rëndësishme. Tebas mund të flejë i qetë: askush këtu nuk e ka humbur mendjen. U kërkua vetëm një shpjegim, për të ndryshuar një sistem që, me sa kam dëgjuar, nuk i pëlqen askujt. Thonë se sistemi e favorizon Real Madridin, por kur të ndryshojë...".
A ka marrë tashmë klubi audion e ndeshjes kundër Espanyolit?
"Jo, jo ende. Dhe nuk e di, pse nuk duan ta japin. Ne vetëm duam të dimë se çfarë ka ndodhur, nuk ka asgjë perverse në këtë.
A po i bën presion Real Madrid gjyqtarëve, siç thotë Atlético?
“Nuk jam i vetëdijshëm për këtë. Real Madridi dëshiron të ndryshojë një sistem që nuk i pëlqen”.
A është ngrohur atmosfera?
"Kur më flisni për rrjetet sociale, unë i përkas brezit të vjetër, brezit të penës. Ndonjëherë rrjetet ndezin diskutime, debate... me pak kuptim. Sepse, sipas mendimit tim personal, rrjetet sociale përbëhen nga njerëz të padukshëm, njerëz që nuk i njoh. Dhe do të preferoja të mos i njihja. Dua t'i tregoj fytyrën kujtdo që më kritikon."
