Skuadra e Kosovës së Dusseldorfit vazhdon me lojëra të mira në Landesliga.
Kosova rikthehet në kreun e tabelës por ka një ndeshje e një pikë më shumë se pozita e dytë.
Kosova ka 42 pikë e VFL Juchen renditet në pozitën e dytë me 41 sosh pas javës së 19-të.
“Fitore e madhe në transfertë!
FC Kosova Düsseldorf siguron tri pikë të rëndësishme në ndeshjen kundër Victoria Mennrath, duke përmbysur rezultatin dhe triumfuar me shifrat 1:3!
Pjesa e parë përfundoi me disavantazhin 1:0, por në pjesën e dytë ekipi tregoi karakter dhe shpirt gare. Qlirim Kashtanjeva ishte protagonisti kryesor me një dopietë fantastike (51’, 81’), ndërsa Fatlum Ahmeti vulosi fitoren me golin e tij në minutën e 75-të.
Një falënderim i veçantë për tifozët tanë që ishin të pranishëm dhe na përkrahën pa u ndalur! Bashkë drejt fitoreve të tjera!”, njofton faqja e FC Kosovës.
