FSHF përfundon fushën sportive në Famullinë e Shna Prendes në Juban të Shkodrës!
Federata e Futbollit ka përfunduar me sukses investimin për ndërtimin e një fushe me bar sintetik në Famullinë e Shna Prendes, në Juban të Shkodrës.
Ky projekt, i realizuar në kuadër të përgjegjësisë sociale, ka kaluar me sukses të gjitha fazat e punimeve, përfshirë shtrimin e tapetit sintetik dhe përmirësimet e tjera të nevojshme për infrastrukturën sportive.
Me ndërtimin e kësaj fushe, në Juban është krijuar një hapësirë e re sportive për banorët e zonës, e cila pritet të ndikojë pozitivisht në zhvillimin e jetës sportive dhe sociale të komunitetit.
