Viktor Gyokeres ka vendosur destinacionin e tij të ardhshëm, ndërsa klubi aktual Sporting Lisbon ka ulur çmimin e kërkuar për të, sipas raportimeve.
Sulmuesi suedez ka qenë një nga më të mirët në botë këtë sezon, duke shënuar 34 gola në të gjitha garat.
Ai ka munguar në dy ndeshjet e fundit të Sporting për shkak të një dëmtimi në gju, por para kësaj, 26-vjeçari kishte kontribuar me gola ose asiste në shtatë ndeshje radhazi.
Gyokeres, i cili u transferua te Sporting nga Coventry për 20 milionë funte në verën e vitit 2023, ishte lidhur me një largim gjatë merkatos së dimrit.
Megjithatë, ai thuhet se u ka bërë të ditur drejtuesve të klubit se do të qëndrojë deri në fund të sezonit përpara se të vendosë për të ardhmen e tij afatgjatë.
Arsenal, Manchester United dhe Barcelona janë mes klubeve të interesuara për ta siguruar shërbimet e tij, dhe me formën e tij aktuale, mund të shpërthejë një garë ofertash këtë verë.
Në nëntor, The Athletic raportoi se Sporting ishte i gatshëm të shiste Gyokeres nëse do të vinte një ofertë prej rreth 70 milionë eurosh (58 milionë funte), pavarësisht se klauzola e tij e lirimit është 100 milionë euro (83 milionë funte).
Nëse realizohet, ky transferim do të thyejë rekordin e shitjes më të shtrenjtë të Sporting, i cili aktualisht qëndron te 65 milionë eurot që morën nga Manchester United për Bruno Fernandes.
United duket se është favoriti për të nënshkruar me sulmuesin, pasi disa burime raportojnë se Gyokeres ka vendosur që Old Trafford të jetë destinacioni i tij i ardhshëm.
Sipas i Paper, Manchester United kishte planifikuar të bënte një ofertë zyrtare për suedezin në janar, por u tërhoq pasi Sporting kërkoi që të paguhej klauzola e tij e plotë.
Tani, klubi portugez është i gatshëm ta lërë të largohet për rreth 60 milionë funte në verë, një ulje nga klauzola e tij por jo shumë larg vlerës së raportuar më parë nga The Athletic.
Megjithatë, Fichajes pretendon se një ofertë prej 60 milionë eurosh (rreth 50 milionë funte) mund të jetë e mjaftueshme për të bindur Sporting që ta shesë.
Ky vendim mund t’i japë Manchester United më shumë hapësirë për negociata, megjithëse klubi ka treguar nën pronësinë e Sir Jim Ratcliffe se nuk do të paguajë më shumë seç e vlerëson një lojtar.
