Egnatia mposhti ditën e sotme Elbasanin me rezultatin 2-1 në ndeshjen e vlefshme për kampionat.
Lojtari më i mirë i takimit u shpall Regi Lushkja, i cili doli në prononcim për mediat.
“Sigurisht çdo sezon unë kam objektivat e mija personale. Jam shumë i lumtur që kam shënuar 10 gola dhe që kemi një ecuri të mirë me ekipin.
Në aspektin personal nuk e kam përjetuar një lloj ecurie në karrierën time, është një privilegj dhe një gjë shumë e mirë për mua.
Trajneri më ka dhënë një rol të ri numër 10-sh, edhe te Laçi kam bërë të njëjtën gjë që të qëndroj pas sulmuese të përfitoj nga topat e mbetur, ndërsa te Tirana kam bërë më shumë një rol 8-shi. Këpuca e Artë? Le të shohim.”, u shpreh Lushkja.
