Sulmuesi i Real Madridit, Rodrygo, e ka përshkruar deklaratën e Pep Guardiolës si një kompliment të madh.
Guardiola, Manchester City i së cilit pret nesër mbrëma Real Madridin në Ligën e Kampionëve, e ka veçuar Rodrygon si njeriu nga i cili mund të vijë rreziku më i madh.
“Pep Guardiola që thotë se unë jam njeriu i rrezikshëm? Është një kompliment! Ai është një nga trajnerët më të mëdhenj ndonjëherë”, ka thënë Rodrygo.
“Nga këndvështrimi im, të luash kundër ekipeve të tij është gjithmonë shumë e vështirë”.
