Pas muajve të parë të Thiago Motta te Juventusi, mund të bëhet një bilanc i parë, veçanërisht për ata lojtarë që kanë kushtuar shumë, si Vlahovic, Douglas Luiz dhe Koopmeiners.
Në total, klubi bardhezi ka investuar 186.5 milionë euro, por vlera e tyre duket se po bie javë pas jave.
Për Vlahovic, situata është veçanërisht e ndërlikuar. Në qershor ai do të jetë vetëm një vit larg nga skadimi i kontratës, me një pagë prej 12 milionë eurosh, duke e vështirësuar rinovimin ose shitjen e favorshme për Juven. Pyetja është: Sa do të vlejë atëherë? Për vite me radhë, serbi nuk ishte në qendër të kritikave, por tani situata mund të ndryshojë.
Edhe për Douglas Luiz dhe Koopmeiners, gjërat nuk po shkojnë mirë. Braziliani kishte kontakte në janar, përfshirë një interes nga Nottingham Forest, por ai ishte i hapur vetëm për lëvizje te Manchester City ose Manchester United. Duke qenë se ndihet mirë në Torino, nuk kishte sens të kthehej në Premier League pa një ofertë nga një klub i madh.
Megjithatë, problemi është se nga 51.5 milionë eurot e paguara për të, sa mund të rikuperohen sot?
Situata është e ngjashme për Koopmeiners, i cili ishte i paprekshëm për Motta deri te ndeshja me PSV Eindhoven. Në prag të përballjes me Interin, ka dy skenarë për të:
Nëse qëndron në stol dhe Juventusi fiton, atëherë ka më shumë kohë për t’u integruar sërish pa presion.
Nëse luan keq, atëherë rrezikon të humbasë edhe më shumë besimin e trajnerit dhe të tifozëve.
E vërteta është se kur lojtarët që kushtojnë shtrenjtë përfundojnë në stol, debati bëhet më i madh sesa për mungesat e Thuram apo Locatelli. Thiago Motta duhet të balancojë zgjedhjet e tij jo vetëm për të mirën e ekipit, por edhe për vlerën dhe besimin e secilit lojtar.
