Tirana aktualisht ndodhet e parafundit në klasifikim.
Bardheblutë kanë 3 pikë më shumë se Skënderbeu i vendit të fundit, me korçarët që kanë grumbulluar 20 pikë pas 24 javësh. Pikërisht ndaj “Ujqërve të Dëborës”, Tirana do të synojë fitoren e 4-të sezonale.
Ekipi i drejtuar nga Bledi Shkëmbi do tëë luajë një ndeshje mjaft të rëndësishme në kampionat, ku vetëm fitorja do t’i bëntë punë.
Kjo pasi Skënderbeu është rivali i tyre direkt për mbijetësë.
Por jo vetëm kaq, pasi kryeqytetasit pas Skënderbeut, do të duhet të përballen me një tjetër rival për mbijetesën, Laçin. Një tjetër ndeshje ku bardheblutë do të jenë “all-in” për fitoren, e cila do t’i ndihmonte ata të rigjejnë veten për ndeshjet e mbetura.
180 minuta mjaft të luftuara dhe shumë vendimtare për Tiranën, ku me shumë gjasa do të vendosin edhe fatet e këtij sezoni, ku sigurisht kërkohet qëndrimi mes më të mirëve në Superiore.
Një kalendar jo shumë i favorshëm për ekipin e Shkëmbin, ku pas Skënderbeut e Laçit do të luajnë derbin ndaj Dinamos, takim që do të mbyllë edhe fazën e 3-të të kampionatit.
