Trajneri i njohur, Benitez, ka parashikuar fatin e ekipeve italiane në Champions League. Ai është ndalur kryesisht te Juventusi dhe Milani, të cilat kishin përballë tyre dy ekipe holandeze, kryesisht PSV dhe Feynoord. Feynoord arriti të fitonte 1-0 në shtëpi ndaj Milanit, ndërsa Juventusi fitoi me vuajtje 2-1 ndaj PSV. Benitez është shprehur se ky do të jetë shansi i fundit i Leao-s për të treguar veten, ndërsa nga ana tjetër, nuk mendon se Juventusi do të bëjë hap të gabuar.
“Leao është lojtari që mund të bëjë diferencën dhe ta zgjidhë ndeshjen edhe në momentin më të errët.
Ai e ka bërë këtë gjë dhe mund ta bëjë përsëri, e ka në gjak. Dhe ky është momenti ideal për të riafirmuar forcën e tij.
Gjithashtu sepse nëse nuk e bën tani, nuk do ta bëj më kurrë, Liga e Kampionëve nuk do t’ju japë mundësi të tjera dhe dështimi do të jetë i ndaluar.
Juventusi? Jam i sigurt se trajneri nuk do të bëjë një gabim. Thiago Motta ka njëzet vjet futboll pas tij, mes fushës dhe pankinës, ai ka luajtur qindra ndeshje, ka fituar dy herë Champions League dhe do të dijë sesi t’i ngarkojë lojtarët e tij pasi ndeshja e së mërkurës do të jetë psikologjike”, tha Benitez.
