Albert Bunjaku, një ish-lojtar i Kombëtares së Kosovës tani do të jetë trajner i grupmoshave të reja U19 te “Dardanët”.
Në emisionin “A-play” në ATV, Bunjaku foli për herë të parë si trajner i Kosovës, shkruan Indeksonline
Ai tha se ndihet tejet i emocionuar që do të jetë trajner i “Dardanëve” të rinj.
“Është një emocion i madh! E kam pritur këtë thirrje dhe ndihem shumë i nderuar që të jem trajner i Kombëtares U19”, u shpreh Bunjaku.
Kujtojmë që Bunjaku zuri vendin e të larguarit, Adil Maliqi.
Në stol, ish-sulmuesi i shumë skuadrave do ta ketë “kapitenin” Anel Rashkaj.
