Arsenal po përgatitet të bëjë një lëvizje të bujshme në merkaton e verës.
Sipas El Nacional, synimi i madh i klubit londinez është sulmuesi slloven i RB Leipzig, Benjamin Sesko, për të cilin Arsenal është gati të japë 100 milionë euro.
Sulmuesi 21-vjeçar ka treguar një potencial të madh që nga ardhja e tij në Gjermani, duke u shquar për aftësitë e tij fizike dhe aftësinë për të shënuar gola në mënyra dhe forma të ndryshme.
Klubi londinez ka besim se ardhja e sllovenit jo vetëm që do të forconte linjën e tyre sulmuese, por do t’i jepte edhe një dimension të ri lojës së Arsenal-it. Kombinimi i aftësisë së tij për të bërë vrapime të shpejta, forcës së tij fizike dhe instinktit të tij të golave mund të përshtaten në mënyrë të përkryer në sistemin e Arteta-s.
Negociatat me RB Leipzig pritet të jenë intensive, duke parë që sulmuesin slloven e duan dhe klube të tjera të mëdha, por në rast të një oferte rreth 100 milionë euro siç raportohet, sigurisht që klubi gjerman do të pranonte.
