Te Milan janë ende të zhgënjyer për eliminimin nga Champions League. Barazimi 1-1 ndaj Feyernord në “San Siro” nuk ishte rezultati që kuqezinjtë prisnin, aq më tepër kur udhëhiqnin pas golit të shënuar që në minutën e parë.
“Ka shumë zhgënjim tek të gjithë ne. Edhe në nivel personal, doja shumë të luaja në Champions League me Milan, por në vend të kësaj luajta vetëm dy ndeshje”, u shpreh sulmuesi portugez Joao Felix.
Më tej, lojtari i ardhur në huazim nga Chelsea në merkaton e janarit shtoi: “Ky është futbolli. Ne të gjithë duhet të mësojmë nga kjo ndeshje, nga ky eliminim, të rinj dhe të vjetër”.
“Ne po kontrollonim lojën dhe ishim gati të shënonim golin e dytë. Ata kurrë nuk kishin krijuar ndonjë rrezik në portën tonë. Pastaj, pas daljes së Theo Hernandez me të kuq ndeshja ishte krejtësisht ndryshe”, tha Joao Felix.
