Munuera Montero thotë se është tmerruar së fundmi me fyerjet dhe kërcënimet që i mori kohët e fundit, ndërsa u pezullua përkohësisht nga referimi.
Madje, gjyqtari spanjoll thotë se po ndihet jo i sigurt dhe se është izoluar në shtëpinë e tij.
Ndër të tjera, Montero siguron se nuk është paguar nga askush dhe ndihet plotësisht i pastër në profesionin e tij, të cilin thotë se e kryen me nder, me krenari dhe me kënaqësi.
“Jam izoluar në shtëpinë time.
Njerëzit po i fyejnë nipat e mi, po i sulmojnë vëllezërit dhe motrat e mia, babai im 80-vjeçar shkoi sot në meshë dhe… më mirë të hesht.
Asnjë subjekt sportiv nuk më ka paguar asnjë cent në jetën time, kurrë, kurrë”, u shpreh Montero.
