Ernest Muçi mund të largohet nga Besiktas në merkaton e verës. Aventura e shqiptarit në Turqi mund të marrë fund në fund të këtij sezoni.
Kjo pasi tashmë te Besiktas janë të gatshëm të shesin sulmuesin shqiptar.
Sipas “Fanatik” bëhet me dije se skuadra turke kërkon 10 milionë euro për shërbimet e tij dhe nëse një ofertë e tillë mbërrin në zyrat e klubit, atëherë drejtuesit do të lejonin largimin e tij.
10 milionë euro kërkojnë pasi kjo është edhe shuma që Besiktas ka shpenzuar për ta transferuar Muçin në Turqi, kur e bleu para 1 viti te Legia e Ëarsaëas. Ofertat për Muçin nuk kanë munguar asnjëherë as në merkaton e verës e as të dimrit, ku skuadra nga Premier League dhe Serie A kanë shfaqur intetes për të.
Tashmë mbetet të presim merkaton e verës për të parë se çfarë do të ndodhë me ish-in e Superiores dhe ku do të jetë destinacioni i tij i radhës. Aktualisht kujtojmë se Muç po vuan nga një dëmtim muskulor dhe pritet që së shpejti të rikthehet sërish gati.
