Real Madridi do të përballet të mërkurën me Real Sociedadin në transfertë, në gjysmëfinalet e “Copa del Rey”. Këto janë deklaratat e Carlo Ancelotti:
Për ndeshjen me Real Sociedad…
Është gjithmonë e vështirë të luash kundër Real Sociedad. Është një gjysmëfinale e rëndësishme për të gjithë, pres një ndeshje të ngushtë dhe emocionuese. Real Sociedad luan mirë.
A do të luajë Mbappé?
Mbappé pati një problem me një dhëmb dhe nuk mundi të stërvitej. Kushdo që do të udhëtojë me ne do të ketë mundësi të luajë. Edhe Endrick.
Për minutazhin e paktë të Arda Güler…
Kushdo që ka dyshime mund të vijë në zyrën time.
Kam lexuar që ekziston një rast për Güler, por ky rast nuk ekziston këtu. Ai është pjesë e një procesi, hartuar për të dhe gjithë të rinjtë. Kjo ka ndodhur edhe me Rodrygo, Vinicius, Valverde… Ai ka nevojë për kohë për të luajtur në ekipin më të mirë të botës.
Të gjithë e kuptojnë këtë. Kushdo që nuk e kupton, duhet ta kuptojë. Unë nuk dua të shoh një lojtar të lumtur kur nuk luan, shoh një lojtar që punon, mëson dhe dëshiron të luajë. Kjo është ajo që shoh në pjesën e vogël të kohës që kaloj me të.
Ai kalon shumë kohë me persona të tjerë dhe nuk e di nëse ata kanë të njëjtën ide që kam unë. Unë bëj gjithçka që mundem për ta ndihmuar të përmirësohet dhe të luajë për Real Madridin.
