Lajmi që tifozët e Barcelonës presin prej vitesh është rikthimi i Neymar në “Camp Nou”. Kjo do të ishte një goditje e shkëlqyer për presidentin Laporta në aspektin e marketingut.
Trajneri Hansi Flick raportohet se nuk është entuziast për këtë transferim. Sipas tij, sportivisht Neymar nuk ka më ndikimin që kishte një herë e një kohë.
Agjenti i lojtarit, Pini Zahavi, së fundmi është shprehur se kalimi me parametra zero te Barcelona është i mundur në verën e ardhshme. Neymar mezi e pret atë ditë.
Gjithsesi, presidenti i klubit të tij aktual (Santos), Marcelo Teixeira, ka deklaruar se Neymar do të rinovojë deri për Kupën e Botës. Sipas tij, nuk ka arsye pse Neymar të riskojë para turneut të madh.
