Real Madrid ka marrë një dënim nga UEFA, ku është gjobitur me 30.000 euro.
Klubi mbretëror është gjobitur nga shtëpia më e madhe evropiane e futbollit, për sjellje diskriminuese të tifozëve, në ndeshjen e Champions League ndaj Manchester Cityt.
Në vendimin e saj të publikuar këtë të premte, UEFA përmendi, pa detaje të mëtejshme, një shkelje nga mbështetësit e Realit të nenit 14 të rregullores së saj disiplinore, duke sanksionuar “racizmin, sjellje të tjera diskriminuese dhe propagandë” .
Përveç një gjobe prej 30,000 euro, Reali do të jetë nën kërcënimin e një mbylljeje të pjesshme të stadiumit të tij Santiago Bernabéu për dy vjet, duke prekur ” të paktën 500 vende ngjitur “, në rast të një shkeljeje të përsëritur.
