Teuta është konfirmuar edhe një herë si një “mace e zezë” për Egnatian, ku ka arritur ta ndalë në një barazim 1-1 në Rrogozhinë, në ndeshjen e vlefshme për javën e 27-të të Kategorisë Superiore.
Rrogozhinasit kaluan në avantazh në minutën e 24-të të takimit me anë të Serxho Ujkas. Durrsakët pretenduan për një faull, por pas rishikimit në VAR, goli u konfirmua i rregullt.
Ndërkohë, 4 minuta më pas, Teuta arriti të barazonte rezultatin me Arsid Krujën pas një supergoli nga goditja e dënimit.
Rrogozhinasit tentuan gjatë gjithë sfidës që të gjenin golin e fitores, por pa rezultat dhe rezultati mbeti i pandryshuar deri në fund.
Cila shenjë e horoskopit është më erotike dhe cila është më indiferente në shtrat? Zbuloni profilin tuaj sipas yjeve
Egnatia mbetet në vendin e parë me 49 pikë, ndërsa Teuta merr 1 pikë të rëndësishme në garën për mbijetesën.
Aktualisht durrsakët mbajnë vendin e tetë me 28 pikë, dy më shumë se Tirana dhe Skënderbeu që gjenden pas saj.
Në ndeshjen e sotme, ishte hera e parë që në Rrogozhinë u luajt nën dritat e prozhektorëve.
