Mbrojtësi holandez Stefan de Vrij i gëzohet fitores 2-0 që Inter arriti ndaj Feyenoord një ditë më parë në Champions League. Sukses që afron zikaltërit me kualifikimin në çerekfinale.
“Në 20-25 minutat e para ne ishim të pasaktë, ata ishin të mirë duke krijuar disa raste jo aq të rëndësishme. Më pas ne shënuam dhe u futëm shumë më mirë në pjesën e dytë”, tha De Vrij.
Më tej, mbrojtyësi i Inter shtoi: “Mund të kishim shënuar edhe një gol të tretë ndërsa ata vetëm goditën traversën. Gjithsesi, rezultati është i shkëlqyer”.
De Vrij, që dikur ka luajtur me Feyenoord, u zëvendësua në minutën e 72-të, duke martrë ovacionet e tifozëve: “Përshëndetja e tifozëve më emocionoi, i falënderoj nga zemra”.
