Presidenti i Barcelonës, Joan Laporta, jep përditësime mbi tragjedinë që ka tronditur La Ligën në 24 orët e fundit
Barcelona mori një vendim të papritur për të shtyrë ndeshjen e La Ligës kundër Osasunës në shtëpi, më pak se një orë para nisjes.
Tifozët tashmë ishin mbledhur në tribunat e stadiumit Estadi Olímpic Lluís Companys, ndërsa skuadra e drejtuar nga Hansi Flick synonte të zgjeronte epërsinë në krye të La Ligës.
Megjithatë, një njoftim nga stadiumi u pasua menjëherë nga një deklaratë zyrtare e klubit, ku u konfirmua arsyeja e shtyrjes: ndarja e papritur nga jeta e mjekut të klubit, Carles Minarro Garcia.
Vendimi u mor në konsultim me La Ligën dhe Osasunën, me të gjitha palët që ranë dakord të anulonin ndeshjen në shenjë respekti dhe për t’i dhënë kohë familjes së tij të merrte lajmin.
Presidenti Laporta foli në emër të klubit, ndërsa lojtarët e Barcelonës u panë të tronditur teksa largoheshin nga stadiumi. Rrjetet sociale u mbushën me mesazhe ngushëllimi për figurën shumë të dashur të stafit mjekësor të klubit.
“Carles ishte shumë i dashur nga të gjithë. Ai ndërroi jetë këtë pasdite në kampin stërvitor të ekipit. Lojtarët, stafi, trajnerët… të gjithë janë shumë të trishtuar. E donim shumë, ai udhëtonte gjithmonë me ne për të kujdesur për të gjithë. Nuk i thoshte jo askujt,” – citohet nga Diario AS.
“Vendosëm që shtyrja e ndeshjes ishte zgjidhja më e mirë dhe La Liga e kuptoi plotësisht arsyen tonë.
“Kemi pasur mirëkuptimin maksimal nga Osasuna dhe presidenti i tyre. Ata e kuptuan situatën që në momentin e parë dhe u sollën në mënyrë shembullore.
“Kjo është një humbje shumë e dhimbshme për të gjithë në Barcelonë. Jemi në gjendje shoku. Kemi kontaktuar nënën dhe bashkëshorten e tij dhe duam t’i ofrojmë mbështetjen tonë të plotë.
“Carles lë pas dy fëmijë, Gerard dhe Ana, dhe ne do t’i mbështesim në çdo gjë që kanë nevojë.”
Barcelona tani do të nisë bisedimet me La Ligën për të përcaktuar një datë të re për zhvillimin e ndeshjes, e cila pritet të luhet në maj.
