Besa e Dobërdollit sot do të jetë mysafire e Shkupit në Çair për ndeshjen e vlefshme të xhiros së 23-të në Ligën e Parë të futbollit në Maqedoninë e Veriut.
Para këtij takimi, nga tabori i Besës ka folur futbollisti, Goran Siljanovski.
“Të gjithë jemi të zhgënjyer pas asaj ndeshjeje, pasi asgjë nuk shkoi siç e kishim planifikuar. Megjithatë, nuk kemi kohë për të qëndruar në të shkuarën, na mbetet vetëm të ngrihemi, të kthejmë një faqe të re dhe të rikthehemi më të fortë.
Sfida e radhës kundër Shkupit është një mundësi ideale për të treguar karakterin dhe forcën tonë. Me një lojë të mirë dhe një rezultat pozitiv, mund të rikthehemi në rrugën e duhur dhe ta lëmë pas atë ndeshje, duke u afruar më shumë në luftën për mbijetesë.
Është e lehtë të ecësh përpara kur gjithçka shkon mirë, por vlerat e vërteta të një ekipi shfaqen pikërisht në momente të tilla.
Kjo është koha për të qëndruar të bashkuar, për të luftuar si një familje dhe për ta kthyer këtë sfidë në forcën tonë për pjesën e mbetur të sezonit”, ka thënë Siljanovski.
