Kjo e diel ka tri ndeshje me rivalitet të fortë, të cilat po i presim me padurim.
Pasditja nis me përballjen Manchester United – Arsenal (17:30) në Premier League.
“Djajtë e kuq” janë duke vuajtur më shumë se kurrë, por një fitore e mundshme ndaj londinezëve do t’i motivonte tejmase për vazhdimësinë.
Mision i pamundur?
Ndoshta, por në Premier League nuk bëhen dot parashikime.
Në mbrëmje, Juventus pret Atalantën (20:45) në Torino për të treguar nëse rritja e javëve të fundit ishte rastësi apo rezultat i një pune kolosale të skuadrës bardhezi. Edhe kjo ndeshje nuk parashikohet dot, sepse të dyja skuadrat kanë cilësi dhe objektiva për këtë vit.
Real Sociedad – Sevilla (21:00) është ndeshja e tretë 50-50 e kësaj të diele. Këto skuadra deri tani i ndan vetëm një pikë në tabelën e klasifikimit. Shohim si do të ndryshojë situata pas lojës.
