Flavia vie nga qyteti i Lasgushit, siç identifikohet Pogradeci. Është fëmiu i parë i qiftit simpatik Marsela dhe Fortan Pupa. Prindërit e çapkënes, fillimisht emigruan në Greqi, ku u lind edhe Flavia e çuni Floreni, ndërkaq Felixi i vogël u lind në Gjermani. Aty filluan dhe hapat e parë në institucionet parashkollorë, por që gjuhën shqipe e flasin dhe shkruajnë sikur t’ishin në Pogradecin e bukur. Natyrisht, në rrethana të tilla, s’do mend se e mësuan edhe gjuhën greke. Babai i Flavias, Fortani me punën e tij bënte vërtet art, gjersa mamaja Marsela ka mbaruar për parukere dhe shquhej me ide e kreativitet.
Pas krizës që e kaploi Greqinë, qifti me fëmijë, vazhdojnë migrimin në Austri. Meqë, atje u ballafaquan me sfida të mëdha burokratike, vazhduan për në Gjermani. Në Gjermani u vendosën në qytezën Bad Breisig, qarku i Koblenzit në Rheinland-Pfalz. Nuk e kishin fare lehtë, pasi nuk e njihnin as gjuhën, as kulturën... Thënë ndryshe, ishte një fillim i ri në rrethana të reja. Flavia nga gjuha greke që e kishte mësuar në kopsht, këtu u ballafaqua me një gjuhë krejt ndryshe, qoftë nga artikulimi apo edhe shkrimi (shkronjat). Drejtoresha e shkollës i propozoi të vizitoj qerdhen edhe për një vit, mbase të mësoj hapat e parë të gjuhës së re (gjermanishtes).
Insistimi këmbëngulës i Flavias, bindi pedagogun social që t’i lejohet ndjekja e mësimit sa të mësoj gjuhën por që nga viti tjetër të merrë statutin e nxënëses së rregullt. Flavia, lere që arriti ta mësoj ghuhën për një kohë të shkurtër, por në gjysmëvjetorin e dytë, rezulton nxënësja më e mirë e klasës. Kështu, ndryshon edhe qëndrimi i propozuar nga pedagogu dhe psikologu i shkollës, duke ia mundësuar vazhdimin në klasën e dytë. Suksesi i gocës, i befasoi këndshëm për të mirë pra, edhe prindërit e Flavias. Këtu sikur peshon urtia popullore, se “moti i mirë shihet në mëngjes”!
Përfundon ciklin e ulët katërvjeçarë me nota maksimale, si e para e klasës. Padyshim, çupa nga Pogradeci fascionoi gjithë stafin e shkollës me sukseset e saja, ku e sugjerojnë të vazhdoj mësimet në Gjimnazin “Are-Gymnasium” në Bad Neuenahr-Ahrweiler, që njihet për kritere të larta. Përveç “bajrakut” që mbanë në duar për mësime, Flavia nga qyteti i blertë, shquhet edhe në aktivitete tjera shkollore, siç njihet si magjistare e ngjyrave në artin pamor, volejbolliste aktive e grupmoshave të saj, gjuhë të huaja, etj.
Por, talenti i çupës simpatike, sikur nuk mjafton me kaq. Arsimtarja e muzikës, sa e dëgjoi zërin magjik të Flavias, e fton në kabinetin e veglave muzikore, pas orarit. E pyeti sa e përcjellë muzikën dhe që kur këndon. Flavia, me butësin e saj, i përgjigjet se i pëlqen muzika dhe këndon për vete. Që aty përzgjidhet, për festa e organizime shkollore të marrë pjesë si këngëtare, ku befason të pranishmit me zërin magjik. Befasia, vazhdon edhe më tej, kur Flavia merret edhe me krijimtari letrare.
Koncertin e fundit shkollor, Flavia u prezantua suksesshëm me këngën, tekstin e së cilës e shkroi vet. Kjo ishte vlerësimi dhe përzgjedhja e pedagoges së muzikës. Prandaj, kujtoj që Flavia, jo rastësisht u pagëzua nga këshilli i pedagogëve si “Princesha poliglote”! Presim që yjeve me famë ndërkombëtare, si Rita Ora e Dua Lipa, t’ ju bashkangjitet së shpejti edhe princesha e re nga qyteti i Lasgushit, Flavia PUPA, nxënëse shembullore e klasës së shtatë, që nga zemra i urojmë suksese...
