Nënkryetari i Lidhjes Demokratike të Kosovës, Lutfi Haziri, me rastin e vdekjes së ish-kryetarit të Klinës, Prenk Gjetaj ka ndarë një telegram ngushëllimi.
Për Gjetjan, Haziri thotë se ka dhënë një kontribut të madh për Klinën, si profesor, si kryetar i Degës së LDK – së, dhe si kryetar i kësaj komune.
Telegram ngushëllimi nga Lutfi Haziri:
Me pikëllim të thellë dhe dhimbje të madhe, e mora lajmin për ndarjen nga jeta të bashkëpunëtorit tim, veprimtarit, atdhetarit dhe ish-kryetarit të komunës së Klinës, Prenk Gjetaj.
Ai ka dhënë një kontribut të madh në Klinë, si profesor, si kryetar i Degës së LDK – së, dhe si kryetar komune në Klinë. Unë do ta kujtoj si një njeri i dashur, i sjellshëm, i afërt, punëtor, e mbi të gjitha i sinqertë e atdhetar.
Kjo humbje e madhe nuk është vetëm për familjen tuaj, por edhe për LDK-në Klinën dhe mbarë vendin tonë. Në këto momente të rënda pikëllimi, shpreh ngushëllimet më të sinqerta familjes, shokëve, miqve kolegëve e farefisit. Lamtumirë, miku im!
Shpirti i tij u prehtë në Parajsë!
