Një nga sportistët më të mirë të të gjitha kohërave në golf, Tiger Woods po shërohet në një spital në Los Anxhelos pas një aksidenti të rëndë me makinë të martën.
Pas disa orësh operacioni, mjekët arritën t’i shpëtonin këmbën e djathtë, e cila i ishte thyer në disa vende.
Pas më shumë se një orë, mjekët ishin në gjendje të njoftonin se Woods ishte “zgjuar, i vetëdijshëm dhe duke u shëruar”.
Aksidenti ndodhi në mëngjes, 48 kilomtra në jug të qendrës së Los Anxhelosit.
Disa media kanë shprehur dyshimin se Woods ishte nën ndikimin e alkoolit dhe narkotikëve, por policia nuk ka nxjerrur ende një përfundim të tillë.
Ekzaminimet shtesë treguan se Woods ishte i “pastër”.
