Edhe një çerekfinale dramatike u vendos pas vazhdimit prej 10 minutave (2x5 minuta).
Franca kaloi në gjysmëfinale pas fitores 35:32 ndaj Hungarisë, pas një ndeshje shumë të fortë e interesante.
Pas 60 minutave lojë rezultati ishte i barabartë, 30:30. Në vazhdime francezët shënuan pesë gola ndërsa pranuan vetëm dy. Kështu Franca kaloi në gjysmëfinale të Botërorit të hendbollit që po mbahet në Egjipt.
Suedia ka fituar bindshëm ndaj Katarit, 35:23, ndërsa Spanja e eliminoi Norvegjinë, 31:26.
Në gjysmëfinale, më 29 janar, takohen Danimarka me Spanjën dhe Suedia me Francën.
