Kombëtarja e Kosovës po përgatitet për dy sfida të mëdha kualifikuese për Kampionatin Botëror.
Hendbollistet tona synojnë rezultat pozitiv në Austri kundër austriakeve dhe Italisë.
"Jemi në palestrën BSFZ Suedstadt ku Kombëtarja jonë e hendbollisteve po zhvillon stërvitje para ndeshjes së nesërme ndaj Austrisë.
Atmosfera është shumë e mirë, ndërsa vajzat premtojnë më të mirën ndaj austriakeve që janë favorite.
Me ardhjen e Mirela Gjikokajt grupi aktual është kompletuar, por kemi mungesa shumë të rëndësishme.
Ndeshjet me Austrinë dhe Italinë u takojnë eliminatoreve për Botërorin 2021", shkruan në faqen e Federatës së Hendbollit të Kosovës.
