Kryetrajneri i klubit të hendbollit Istogu (femrat), fitues i Kupës së Kosovës, Faruk Shala, njëherësh trajner i Kombëtares A të Kosovës, uron gazetën kombëtare “Bota sot”.
Ai tha se “Bota sot” i kushton rëndësi të veçantë sportin, sidomos sporteve me dorë.
“Gazeta ‘Bota sot’ ka merita të jashtëzakonshme në ngritjen dhe zhvillimin sidomos të sporteve me dorë.
Mediat janë një ndër faktorët e rëndësishëm që ndikojnë në zhvillimin e sportit në përgjithësi.
Gazeta ‘Bota sot’ i ka kushtuar vëmendje të veçantë sportit, sidomos lojërave sportive me dorë, andaj i gjithë komuniteti sportiv i është mirënjohës, veçanërisht ne si komunitet i hendbollit.
Personalisht ne 26 vjetorin ju dëshiroj punë të mbarë dhe të vazhdoni të jeni gjithmonë afër sportit dhe sportistëve në përgjithësi”, uron Shala.
