Të hënën, më 2 gusht, mblidhet Kombëtarja U19 e Kosovës në hendboll (djemtë). Grumbullimi do të bëhet në Prishtinë, ndërsa janë planifikuar të mbahen nga dy stërvitje në ditë.
Trajneri i kësaj grupmoshe të Kosovës, Taib Kabashi, ka vendosur që në listën e gjerë të përfshijë 23 lojtarë. Prej tyre 14 udhëtojnë në Evropian. Në listë janë edhe disa lojtarë që bëjnë karrierë jashtë vendit. Sa i takon Shaban Zogajt, ai është në procedurë të kompletimit të dokumentacionit.
Javë më parë është bërë një përzgjedhje fillesatare e Kosovës U19.
Kosova U19 merr pjesë në Evropianin e Divizionit B që mbahet në Letoni prej 16 deri më 22 gusht.
Kosova është në grupin A së bashku me Holandën, Turqinë e Malin e Zi. Në grupin tjetër janë Rumania, Luksemburgu e Letonia. Kosova ndeshjen e parë e luan më 16 gusht ndaj Turqisë. Më 17 gusht luajmë ndaj Holandës, ndërsa më 19 gusht ndaj Malit të Zi. Më pas janë ndeshjet për plasman.
Lista e gjer e lojtarëve
1 Menot Pozhegu KH Vëllaznimi
2 Amir Fazliu KH Vushtrria
3 Ermir Januzi KH Trepça
4 Florent Behrami KH Vushtrria
5 Ermir Smaka KH Trepça
7 Arjanit Murseli KH Zhegra
8 Jon Vokshi KH Besa Famgas
9 Dardan Ramadani KH Prishtina
10 Shaban Zogaj Aalborg (DEN)
11 Ardin Berisha SG LÉMAN GENÈVE (SUI)
14 Ermal Dukaj KH Besa Famgas
15 Erdon Jahiu KH Prishtina
16 Emre Karabeg KH Prishtina
18 Frilon Kqiku TSV Haunstetten (GER)
19 Betim Idrizi KH Vëllaznimi
20 Ajdin Gashi RK Bosna Tesanja Seniori (BIH)
21 Altin Mani KH Llapi
23 Arjanit Hyseni KH Vushtrria
24 Hekuran Ramadani KH Prishtina
25 Enis Rexhepi KH Llapi
26 Omer Gucati KH Drenica
29 Lundrim Haziri KH Zhegra
33 Altin Abrashi KH Trepça
