Prishtina - Besa Famgas, është derbi i javës së parë në Superligën e Kosovës në hendboll.
Prishtina kërkon që pikët të mbesin në kryeqytet, ndërsa kampioni synon fitore në hapje.
Ndeshja luhet nesër në orën 19.00 në Qendrën e Rinisë dhe të Sportit në Prishtinë.
Hendbollisti i Besës, Yll Muqolli, tha se janë mirë të përgatitur dhe beson e shpreson se do të startojnë me fitore.
“Kemi pasur një përgatitje mjaft të mirë duke marr parasysh se skuadra ka luajtur disa ndeshje miqësore dhe jemi në kulmin e përgatitjeve.
Mendoj që jemi gati të startojmë nesër në kampionat duke filluar me fitore”, tha Muqoll për gazetën kombëtare “Bota sot".
