Besa Famgas nga Peja, kampion i Kosovës, tregoi lojë të madhe por fati sportiv ia ktheu shpinën, duke pësuar humbje me rezultat 28:25 (14:14) nga Borci i Banjallukës, ekip nga Republika Srpska që garon në Kampionatin e Bosnjës dhe Hercegovinës.
Ndeshja e parë e rrethit të dytë të Kupës së Evropës në hendboll, ajo e kthimit luhet pas jë jave.
Besa tregoi karakter në lojë në një atmosferë armiqësore, tifozët serbë fyen e kërcënuan nga tribunat.
Fillimisht skuadra nga Banjalluka avancoi me 2:0, pastaj baraspeshohen forcat në fushë dhe në minutën e 20-të, barazohet rezultati 9:9, ndërsa në atë të 28-tën 13:13 dhe në fund të pjesës së parë 14:14.
Tifozët nga Banjalluka kënduan e ofenduan rëndë, “Vritni shqiptarët”. “Kosova është Serbi”, “Kush nuk kërcen është shqiptar”, etj. u dëgjuan thirrjet në palestrën “Borik”.
Pjesa e dytë me rivalitet të madh, Borci në epërsi me dy gola dallim (17.15) në minutën e 34-të.
Pas 4 minutave (39’) barazohet rezultati (18:18). Besa në atmosferën e aspak miqësore, barazon sërish rezultatin 22:22. Minutat e fundit ishin drithërues, por pejanët pësuan humbje me tre gola dallim (28:25).
Me 7 gola u dallua Nikolla Prçe te Besa, së bashku me Egzon Gjukën me 6, ndërsa te Besa Marko Llukiç me 10 gola.
