Media boshnjake “Osllobogjenje’ i jep jehonë fitores së kampionit të Kosovës, Besa Famgas, ndaj ekipit nga Republika Srpska, Borci nga Banjalluka.
“Besa përmbushi premtimin, skuadra nga Kosova e kaloi Borcin dhe kualifikohet në raundin e tretë të Kupës së Evropës.
Hendbollistët e Borcit të Banjallukës u eliminuan në xhiron e dytë të Kupës së Evropës nga ekipi i Kosovës, Besa Famgas, e cila fitoi ndeshjen e kthimit me rezultat 29:22 dhe kështu kaloi më tej me rezultat të përgjithshëm 54:50.
Borci e zgjidhi ndeshjen e parë në favor të tij me rezultatin 28:25, të cilin nuk arriti ta shpëtojë në Kosovë, kështu që Besa shkoi më tej. Gjuka me shtatë gola udhëhoqi vendasit drejt fitores vendasit, ndërsa gjashtë gola i realizoi Nikolla Prçe, kurse Terziqi dhe Jupa e përfunduan ndeshjen me nga katër gola.
Portieri Mehmeti priti 11 gjuajtje dhe Luzha 1”, shkruan mes të tjera media boshnjake.
