Trepça nga Mitrovica me trajnerin Taib Kabashi ka pasur një ecuri fantastike në stinorin vjeshtor të elitës së hendbollit të Kosovës.
Mitrovicasit nga 14 ndeshje, shënuan 12 fitore e pësuan 2 humbje, duke përfunduar në vend të dytë me 24 pikë, katër me pak se lideri Besa Famgas.
Trepça iu gëzohet fitore në Podujevë me rezultat 29:28 ndaj Llapit.
“Me fitore e përmbyllim stinorin vjeshtor, ku në Podujevë në një ndeshje tepër dramatike dhe rivalizuese kundër KH Llapit, në sekondat e fundit me golin e Alban Shabanit i sigurojmë 2 pikët e fundit të vitit 2021, kështu për të dimëruar në vendin e dytë në renditjen tabelare.
Falënderojmë përkrahësit tanë, shtabin teknikë të trenerëve, lojtarët dhe kolegët tjerë që u angazhuan për një organizim fantastik”, shkruan në faqen e KH Trepça.
