Besa Famgas është kampione vjeshtore me gjithsej 28 pikë, duke lënë pas Trepçën me 24 e Prishtinën me 24 pikë. Prishtina megjithatë arriti rezultate të mira duke pasur parasysh edhe ndryshime që kishte bërë në ekip.
Lulzim Shabani, prej hendbollistëve më të mirë në Kosovë, shprehet i kënaqur deri diku me ecurin e ekipit të Prishtinës, duke shpresuar se në pranverë do të janë edhe më të fortë,
“Mendoj që ka qenë një gjysmësezon e mirë deri në një masë duke marr parasysh që këtë sezon ekipi ka bërë një ndryshim të madh të formacionit dhe kemi shumë lojtarë të rinj, të cilët në të ardhmen premtojnë shumë”, tha Shabani për gazetën kombëtare “Bota sot”.
Sa i përket rezultateve tha se ka mundur të jetë edhe më mirë: “Po me rezultate ka mundur me qenë edhe më lehtë, mendoj në disa ndeshje por nganjëherë ka munguar edhe koncetrimi dhe pushimi në shumë raste, këto mendoj që kanë ndikuar në një masë për ne”.
Si e sheh pranverën, a mendoni se Prishtina do të jetë një rival i denjë i Besës?
“Patjetër, çdo sezon jo vetëm Prishtina por çdo ekip mendon si të përgatitet sa më mirë edhe me fond të lojtarëve por edhe në anën fizike dhe taktike, kështu që mendoj që edhe këtë vit do të jemi në një garë të mirë”, tha Shabani.
