Ka përfunduar edhe ndeshja e katërt, respektivisht e treta në Pallatin e Rinisë dhe Sporteve, në kuadër të Kampionatit Botëror të hendbollit për universitete.
Në kuadër të konkurrencës së femrave, Universiteti Hasan Prishtina pësoi humbje nga spanjollet e Universitetit UCLM.
Përgjatë 60' minutave lojë të zhvilluara, spanjollet arritën të shënojnë plot 32 gola, në krahasim me vashat "Dardane" të cilat regjistruan vetëm 23 sosh.
Hendbollistja më e mirë e ndeshjes ishte spanjollja Alba Jurado Novillo me plot tetë gola të shënuara, kurse më e dalluara te Universiteti Hasan Prishtina ishte Elisa Mulaj me shtatë gola të realizuara.
Rezultati final i ndeshjes është 32:23 në favor të Universitetit spanjoll, UCLM.
