Ka përfunduar edhe ndeshja e dytë në sallën "1 Tetori", por kësaj radhe pa fitues, e vlefshme kjo për Kampionatin Botëror të hendbollit për universitete, FISU Prishtina 2022.
Në përballjen mes Universitetit portugez të Aveiros dhe atij spanjoll Castilla-La Mancha nuk ka fitues, pasi që të dy universitetet kanë barazuar me shifrat 31:31.
Përgjatë gjithë ndeshjes të dy skuadrat treguan lojë të barabartë, ku pjesën e parë avanconin portugezët me shifrat 19:16, kurse në pjesën e dytë ishin spanjollët ajo që e morri epërsinë duke kryesuar 15:13, ndërsa rezultati final ishte i barabartë 31:31.
Ndërkaq, në gjysmëfinale vazhdon universiteti spanjoll për shkak të golaverazhit më të mirë në dy ndeshjet e kaluara.
Më i miri i ndeshjes së sotme ishte Miguel Cantin me shtatë gola të shënuar, kurse te portugezët më të dalluarit ishin David Gomes dhe Fabio Silva me nga gjashtë gola të shënuar.
