Në orët e para të së shtunës, Kombëtarja e Sllovenisë (meshkujt) u nis nga Maribori për në Prishtinë, ku të dielën në orën 19:30 i pret ndeshja e dytë kualifikuese për Kampionatin Evropian 2024 në Gjermani.
Përzgjedhësi slloven, Urosh Zorman, ka telashe me disa hendbollistë, disa të lënduar.
Pas fitores të së enjtes ndaj Bosnjës dhe Hercegovinës me rezultat 28:20, Zorman ka në dispozicion 16 hendbollistë për në Kosovë.
"Siç thamë para asamblesë së këtij viti, ne duam t'u ofrojmë lojtarëve të rinj mundësinë për të fituar përvojën e nevojshme në çdo sezon. Kështu që, në Prishtinë do të jetë ndryshe nga ndeshja e parë, do të luajmë me një formacion pak të ndryshuar”, tha Zorman, transmeton “www.rtvslo.si”.
Prej lojtarëve më të rinj Zorman nuk ka mundur t'i ofrojë mundësi Matic Grosl, i cili ka probleme me shpinën dhe Aleks Kavçiç, i cili është i sëmurë. Përveç tyre, nuk janë as Dean Bombaç, Matej Gaber dhe Urh Kasteliç.
Lista e hendbollistëve:
Jozhe Baznik (Nimes) dhe Klemen Ferlin (Erlangen), lojtarët e krahut Blazh Janc (Barcelona), Domen Novak (Wetzlar), Tilen Kodrin (Gummersbach) dhe Darko Cingesar (Urbanscape Loka), Nejc Cehte (GOG Gudme), Jure Dolenec (Limoges), Nik Henigman (Saint Raphael), Domen Makuc (Barcelona), Jaka Malus (Göppingen), Rok Ovniçek (Nantes) dhe Aleks Vlah (Celje Pivovarna Lashko), Blazh Blagotinshek (Göppingen), Kristjan Horzhen (Rhein). -Neckar Löwen) dhe Stefan Zhabiç (Celje Pivovarna Lashko).
Kombëtarja sllovene nisi me sukses betejat kualifikuese të enjten, kur mposhti Bosnjë-Hercegovinën në Sallën Tabor të Mariborit. Krahas kombëtareve të përmendura, në Grupin 7 garon edhe Mali i Zi.
