Të dielën ka përfunduar faza e parë kualifikuese për Kampionatin Botëror të hendbollisteve që vitin e ardhshëm mbahet në Danimarkë, Norvegji dhe Suedi.
Janë përcaktuar nëntë ekipet kombëtare që do të luajnë në fazën e dytë. Për herë të parë në fazën e dytë do të jetë edhe Kombëtarja e Kosovës, pas suksesit historik të arritur në ndeshjet ndaj Ishujve Faroe.
Shorti për fazën e dytë do të tërhiqet më 19 nëntor në Lubjanë.
Kosovës në fazën e dytë i janë bashkuar Austria, Sllovakia, Islanda, Turqia, Italia, Ukraina, Portugalia dhe Greqia. Këto nëntë kombëtare si dhe Çekia, do të luajnë në fazën e dytë me dhjetë ekipe kombëtare që aktualisht po paraqiten në Euro 2022.
Fituesit do të shkojnë në Botëror. Pra Kosova e ka vetëm edhe një pengesë para Botërorit. Kalimi i saj do të ishte sukses i jashtëzakonshëm. Ndeshjet e fazës së dytë luhen në pranverë.
