Besa Famgas nga Peja në krye me trajnerin – hendbollistin Nikolla Prce, kapitenin Egzon Gjuka etj. sonte treguan se nuk ka kush iu del para në Kampionatin e Kosovës.
Dhjetë tituj rresht të Besës Famgas apo është titulli i 19-të që nga pavarësimi i sportit të Kosovës nga ai ish jugosllav.
Pejanët sonte dëshmuan se janë superfuqi në hendbollin e Kosovës.
Pejanët treguan cilësi dhe e mposhtën Trepçën me rezultat 37:30 në palestrën e sportit “Minatori’ në Mitrovicë.
Besa në seri të fitoreve me rezultat 2:0 është kampione e Kosovës.
Puna e palodhshme që po bëhet nga babë e bir, Hamëz e Enis Idrizi, është edhe një dëshmi e sukseseve rresht të pejanëve.
Hamëz Idrizi është president i klubit së bashku me Enis Idrizin drejtor, edhe një herë treguan se me Besën askush nuk mund të shtyhet dhe sipas tyre, humbja e trofeut të Kupës së Kosovës para disa ditësh, ka qenë vetëm një mbrëmje e keqe.
Besa ka treguar lojë më të mirë dhe si rezultat i kësaj edhe fitorja është bindëse, me 7 gola diferencë.
Kjo dëshmoi se Besa është një ekip në një nivel tjetër, në bazë të asaj që u pa sonte.
Festë e madhe në radhët e pejanëve dhe po i afrohen edhe titulli të 20-t.
“Sa herë të luajmë me Trepçën do të fitojmë, kjo u pa sonte.
Humbja për Kupë ka qenë e rasti apo një natë e keqe.
Besa ka cilësi dhe rezultati është edhe treguesi më i mirë që arritëm sonte në Mitrovicë”, - thonë nga KH Besa.
Festë në qytetin e Pejës, pas titullit të kampionit në basketboll, tani edhe në hendboll.
“Kampion të Superligës së Kosovës.
Jemi kampion të Kosovës për të 10-ten herë radhazi, po po për të 10-tën jherë
Hendbolli kosovar ka një emër e ai është Besa Famgas.
Urime qytetit të Pejës”, shkruan në faqen e Besa Famgas.
