Pas disfatës së thellë në shtëpi me 13 gola diferencë (39:26), skuadra e Çairit sot i thotë lamtumirë Evropës për këtë sezon me një tjetër ndeshje të humbur dhe me një debakël në Holandë.
Çair u mposht sërish nga skuadra Venlo, këtë herë me rezultat 43:18 (22:9).
Fituesi i këtij dueli ishte i dukshëm që në fillim kur vendasit udhëhoqën me rezultat 7:1 dhe 10:2.
Në fund të pjesës së parë u lëndua hendbollistja Hana Miftari.
Pjesa e dytë ishte vetëm një formalitet dhe skuadra shqiptare Çairi mposhtet me 25 gola dallim, duke u eliminuar në rrethin e dytë të Kupës Evropiane.
Golashënueset më të mira te Çairi janë Nikolovska me katër gola, Dinevska dhe Rahmani me nga tre gola.
