Plot 53 mijë e 586 shikues ishin në stadium futbolli në ndeshjet hapëse të Kampionatit Evropian të hendbollit.
Është thyer rekordi për shikues në ndeshje të hendbollit që ishte 44 mijë e 189 shikues.
Rekordi i kaluar ishte vendosur në Frankfurt të Gjermanisë më 6 shtator 2015.
Rekordi i ri u vendos të mërkurën mbrëma në Duesseldorf të Gjermanisë.
Ndeshjet Franca – Maqedonia e Veriut dhe Gjermania – Zvicra janë luajtur në stadiumin “Merkur Spiel-Arena” që është përshtatur në arenë të bukur hendbolli.
Stadiumi mbyllet plotësisht dhe të mërkurën është mbushur me tifozë të hendbollit.
Franca fitoi ndaj Maqedonisë së Veriut me rezultat 39:29, ndërsa Gjermania e mposhti Zvicrën me rezultatin bindës, 27:14.
