Kroacia zuri vendin e 11-të në Kampionatin Evropian në hendboll (meshkujt).
Në mediat kroate po përflitet për një ndryshim të selektorit, duke pas parasysh se kjo ishte renditja e dytë më e ulët për Kroacinë në kampionatet evropiane.
Emri i Veselin Vujoviqit po spekulohet, por nënkryetari i Federatës Kroate të Hendbollit, Zoran Gobac tha se ai kurrë nuk do të jetë selektor i Kroacisë.
“Në hendbollin kroat ka një numër të mjaftueshëm të ekspertëve që mund të kryejnë funksionin e përzgjedhësit, ndaj nuk ka asnjë problem.
Unë e vlerësoj Vujoviqin si person dhe si trajner, por tjetër gjë është Kombëtarja e Kroacisë dhe tjetër Zagrebi.
Askush nuk ka folur me Vujoviqin dhe as nuk do të ketë bisedime.
Ato janë spekulime.
Vujoviq nuk do të jetë kurrë selektor i Kroacisë”, tha Gobac.
