Slloboda e Tuzllës është rival i panjohur për Kastriotin e Ferizajt.
Fituesi i Kupës së Kosovës do të ndeshet me skuadrën boshnjake në kuadër të Kupës së Evropës.
Ferizajasit shpresojnë se do të kalojnë këtë rreth të garave.
“Fituesi i Kupës së Kosovës në hendboll për meshkuj, ekipi ynë i dashur KH Kastrioti nga Ferizaj, do të marrë pjesë në raundin e parë të Kupës Evropiane (EHF European Cup)!
Shorti i tërhequr të martën ka përcaktuar që përballja e parë do të jetë me RK Slloboda nga Bosnjë-Hercegovina. Ndeshja e parë zhvillohet në Ferizaj më 14 apo 15 shtator, ndërsa e kthimit më 21 apo 22 shtator në Tuzëll.
Në rast të kalimit të raundit të parë ekipi ynë do të përballet me ekipin nga Zvicra, Pfadi Winterthur.
Kemi motivim si kurrë më parë, kontratat me lojtarët më të mirë të klubit janë vazhduar e konfirmuar dhe disa ardhje të reja senzacionale do të jenë befasi për shikuesit tanë! Përkrahja ndaj klubit është e madhe dhe me ju përkrahës të mrekullueshëm, jemi gati për sfidën e radhës!”, njofton KH Kastrioti.
