Skuadra boshnjake, Slloboda e Tuzllës, ka shkruar disa fjalë për përballjen me fituesin e Kupës së Kosovës, Kastriotin e Ferizajt.
Slloboda ndeshet me Kastriotin në kuadër të ndeshjes së parë të Kupës Evropiane në hendboll.
“Në ndeshjen e xhiros së parë të Kupës së Evropës, Slloboda do të takohet me ekipin Kastrioti.
Ndeshjen e parë kuqezinjtë do ta luajnë jashtë shtëpisë dhe është planifikuar për datat 14/15 shtator.
Pas kësaj, në datën 21/22 shtatori do të pasohet ndeshja e kthimit në Tuzëll.
Nëse Slloboda e mposht ekipin nga Kosova, kundërshtari i radhës është Pfadi Winterthur nga Zvicra”, shkruan në faqen e klubit boshnjak.
