Hendbollistët e Kroacisë arritën fitoren e parë në Lojërat Olimpike – “Paris 2024”.
Kroatët fituan më vështirë seç pritej me rezultat 30:29 ndaj Japonisë.
Japonia shkëlqeu në pjesën e parë duke shkuar në pushim me pesë gola dallim (18:13) në favor të vetin.
Pjesa e dytë ishte më ndryshe dhe gradualisht kroatët e kthyen epërsinë në favor të tyre.
Avancuan me 29:28, pastaj u barazua 29:29 dhe përmbyllet takimi me rezultat 30:29 për kroatët.
Fakt interesant është se pas sulmit të parealizuar të hendbollistit Martinoviq, Japonia pati rast për të fituar takimin.
Japonezët humbën dy raste dhe Kroacia me golin e Martinoviqit në sekondën e fundit ngadhënjeu me 30:29.
Në mesin e kroatëve më efikasi ishte Mario Shoshtariç me gjashtë gola, ndërsa tek japonezët u dallua ish-lojtari i Vardarit, Kosuke Yasuhira me dhjetë gola.