Hendbollistet e Kombëtares U18 të Kosovës kanë nisur të hënën përgatitjet për paraqitje në Kampionatin Botëror.
Nën urdhrat e shtabit teknik, hendbollistet e reja po punojnë me seriozitet maksimal për paraqitje sa më të mirë në Botërorin në Kinë.
Programi stërvitor është shumë i ngarkuar, ndërsa përgatitjet janë të gjithanshme që në momentin e duhur të arrihet forma më e lartë e mundshme.
Kombëtarja është e vendosur në Prishtinë, ndërsa atmosfera te vajzat është shumë e mirë.
Botërori mbahet në Chuzhou të Kinës prej 14 deri më 25 gusht. Kombëtarja jonë është në grupin D së bashku me Francën, Brazilin e Indinë.
