Kroacia ka pësuar humbje të rëndë nga Suedia në kuadër të xhiros së katërt të Lojërave Olimpike – “Paris 2024”.
“Në xhiron e katërt të Grupit A në Lojërat Olimpike në Paris, ekipi kroat i hendbollit pësoi humbjen e dytë, ku më e mirë doli Suedia me rezultat 38:27 (18:15).
Japonia është e vetmja pa fitore në fund të tabelës. Kroacia dhe Suedia kanë secila nga një lojë më shumë se rivalët e tjerë, por aktualisht janë pesë kombëtare me nga katër pikë secila.
Përveç Kroacisë dhe Suedisë, një numër të tillë pikësh kanë edhe Gjermania, Spanja dhe Sllovenia.
Golashënuesi më i mirë i Kroacisë ishte Ivan Martinoviq me tetë gola. Luka Cindriq shënoi pesë, Mario Shoshtariq katër dhe Domagoj Duvnjak tre. Portieri Dominik Kuzmanoviq bëri 14 pritje.
Për Suedinë, golashënuesi i parë është Lucas Pellas me nëntë gola, ndërsa Albin Lagergren e Sebastian Karlsson realizuan nga pesë në festën suedeze. Portieri Andreas Palicka bëri 15 pritje”, shkruan media kroate “24 sata”.
Në xhiron e pestë (të fundit), Kroacia do të luajë kundër Spanjës (të dielën, më 4 gusht në orën 21:00). Suedia dhe Japonia takohen gjithashtu në orën 09.00 të mëngjesit dhe Gjermania e Sllovenia në orën 14:00.
