Kombëtarja e Gjermanisë e ka mposhtur Spanjën me rezultat 33:31, në xhiron e katërt të grupit A në Lojërat Olimpike - Paris 2024.
Gjermanët kryesojnë me 6 pikë (tri fitore dhe një humbje), ndërsa spanjollët kanë katër pikë, po aq sa Suedia (e dyta), Sllovenia (e treta por një ndeshje më pak) dhe Kroacia (vendi i pestë).
Gjermania siguroi çerekfinalen.
Në pjesën e parë gjermanët kishin pothuajse gjithmonë epërsinë dhe diferenca më e madhe ishte në tre gola.
Në pjesën e dytë spanjollët bënë kthesë dhe patën epërsi prej dy golave (26:28) por qe jetëshkurtër, pasi në fund gjermanët u rikthyen në rezultat në fund dhe siguruan fitore me dy gola dallim (33:31).
Duhet përmendur edhe paraqitjen e shkëlqyeshme të portierit gjerman David Spath, i cili shkëlqeu në momentet vendimtare.
