Sot në fshatin Makërmal të Skenderajt, iu dha lamtumira e fundit Izet Gjinovcit.
Një numër i madh i qytetarëve dhe sportistëve morën pjesë në varrimin e Izet Gjinovcit, sekretarit të përgjithshëm të Federatës së Hendbollit të Kosovës.
Në varrim morën pjesë figura të njohura të politikës, sportit e kulturës.
Gjinovci ka ndërruar jetë të hënën që e lëmë pas. Ai iku në kohën më të mirë, në moshën 63-vjeçare.
Gjinovci nuk e fitoi luftën me sëmundjen e rëndë.
Ai sot është varrosur në vendlindjen e tij.
Dhimbje e madhe por edhe krenari për veprat e mëdha të Izet Gjinovcit.
Ai përveç si hendbollist, ka qenë kryetar dhe drejtor në vitet të ndryshme në klubin e hendbollit Prishtina, pastaj ka ardhur sekretar i përgjithshëm i Federatës së Hnedbollit të Kosovës.
Gjinovci shkroi historinë e hendbollit së bashku me Mexhit Devajën (kryetar në vitin 2004) me 18 dhjetor të vitit 2004 kur FHK u pranua në EHF me të drejtat e përkohshme dhe me të drejta të plota në kohën e Eugen Saraçini, aktualisht kryetar i FHK-së.
Gjinovci ka qenë kontribues i madh në kohën e okupimit, donator dhe alfa e omega e sportit të pavarur në rezistencë ndaj okupatorit serb.
