​Hendbollistet e Kosovës U18 shënojnë fitore ndaj Indisë

Hendboll

​Hendbollistet e Kosovës U18 shënojnë fitore ndaj Indisë

Më: 17 gusht 2024 Në ora: 11:23
Hendbollistet e Kosovës U18 kanë arritur sukses historik të shtunën në mëngjes.

Hendbollistet e Kosovës U18 kanë shënuar fitoren e parë në Kampionatin Botëror që po mbahet në Chuzhou të Kinës.

Ato kanë fituar ndaj Indisë me rezultat të lartë, 25:14.

Kjo është bërë e ditur përmes një postimi në rrjetin social Facebook, në faqen zyrtare të Federatës së Hendbollit të Kosovës.

Postimi:

Hendbollistet e Kosovës U18 kanë arritur sukses historik të shtunën në mëngjes.

Ato e kanë shënuar fitoren e parë në Kampionatin Botëror që po mbahet në Chuzhou të Kinës.

Hendbollistet tona kanë dominuar plotësisht ndaj Indisë dhe kanë fituar me rezultat të lartë, 25:14.

Kjo është hera e parë që një Kombëtare e Kosovës te vajzat, në të gjitha sportet ekipore, është kualifikuar dhe paraqitet në Kampionat Botëror. Dhe tani e kemi fitoren e parë, me shpresë për të tjera në fazën e ardhshme të garave.

FHK-ja shkroi histori edhe në vitin 2019 kur me Kombëtaren U21 të hendbollistëve u paraqit në Kampionat Botëror.

Tani është vetëm hera e dytë që një ekip kombëtar i Kosovës në sportet ekipore po paraqitet në ngjarjen globale.

Fitorja e thellë ndaj Indisë pritet të shërbejë si motivim për të tjera rezultate të mira në vazhdim të Botërorit në Kinë.

comment Për komente lëvizni më poshtë
Sot mund të lexoni Shfletoni kopertinat